Tsertsa

Dichonéo

Contenù di site

Multimédià

Teste eun patoué

Documàn

La «Fédérachon Valdoténa di Téatro Populéro»

(patouè de Veullanoua)

La Fédérachon Valdoténa di Téatro Populéro l'è nèisua i mèise de jeun de l'an 1979 a Tsahiillón aprì que l'è reustéte féte an réugnón ioi l'an partésipó le rapprézentàn di 10 compagnì téatrale. La costituchón de l'assochachón l'è avin-ì avouì eungn atte di notéo Émile Chanoux, lo 22 janvì 1983.

Le-z-objètif de la Fédérachon son hisse de euncoadjé lo dialogue euntre le difiente compagnì de téatre, de diffujé l'attivitó téatrala eun francoprovansal é de organizé de stages de formachón pe choure le compagnì deun leur crèite.

L'an 1980, mersì a l'eungadzemèn de la Fédérachon, 12 compagnì l'an resitó deussù lo palque di salón di manifestachón di Palè réjonal de Veulla. L'è nèisù pae lo premii Printemps Théâtral : lo festival de téatro populéro valdotèn. Aprì lo grou sussè otchan-ù, le rapprézentachón son reustéte traméte i Cinéma Corso é, pi tar, i Téatre Giacosa, téatre que, euncò vouì, prihe son palque i Printemps Théâtral é a se 22 compagnì eungn attivitó.

Eungn occajón di projè que l'è reustó quèrià Trent'An de Printemps é tan d'atro son reustéte réalizéte an publicachón que no mouhe l'istouère di téatro populéro eun valoda é an coléchón de DVD que prézenton l'attivitó de la Fédérachon Valdoténa di Téatro Populéro (FVTP).

Fotografie

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón