(patoué dé Bretsón)
L'Assessorà réjonal dé l'éducatsión é dé a queulteurra - BREL, én collaboratsión avó y aminichtratsión locale - pé o programma dé coopératsión territoriala transfrontaliéra I/F Alcotra 2007/2013 ETHNOLOGIA - organiza eunna sérì dé rehcontre, a caratére etnolénguéstécco, vents le quemeunne dé Valpelline, Arnad, Valgrisenche é Challand-Saint-Anselme.
Le vèya saràn l'occazión pé prézenté le ditsionére én légna, feut pé o Gnalèi, o quietchet lenguéstécco dé l'Assessorà, mersì a collaboratsión di prétsious témouèn qu'i sé troon so o territouére.
Ma pa renque tso. Eunna part di rehcontre sarà dédià a l'aprofondichemèn d'un particuyé arguemèn etnografécco, guiettà a l'ichtouére é a traditsión dé a quemeunna, a travers le mot dou ditsionére é y imadje dé y archive réjonal.
Én totte le quemeunne, peu, l'aprofondichemèn voudrat avante én occazión d'eunna séconda rehcontra, eunna vèya dé souvénì, dou qué le protagoniste saràn le djen dou pocht qu'i l'aràn voya dé partadjé avó y atre le iour couénte é le iour témouagnadjo.
L'objetif l'é dé couèye o mach dé énformatsión pochébio so tsou émportàn patrimouéne queulterel pé lo vardé é lo pasé i gnoe djénératsión.
Touì le djen dou pocht sont énvità a partésipé !
Tsé dezeut, o calandrì di rehcontre :
Valpelline: A vèa én montagna
Devéndro 13 dé noémbro 2015, 20h30, Salón dé l'alpinisme
Devéndro 20 dé noémbro 2015, 20h30, Piquioda sala dé l'alpinisme
Arnad : Dou beurgo a l'ouya
Desando 21 dé noémbro 2015, 20h30, Sala di réunión dou « Foyer des associations Prieur D. Nouchy »
A data dé a séconda rehcontra sarà deutta ou lon dou premì randévoù.
Valgrisenche : Fére bèà
Devéndro 27 dé noémbro 2015, 20h30, Sala dou Consèi quemenal
A data dé a séconda rehcontra sarà deutta ou lon dou premì randévoù.
Challand-Saint-Anselme: A tchivra
Devéndro 4 dé guijémbro 2015, 20h30, Sala dé a quemeunna
A data dé a séconda rehcontra sarà deutta ou lon dou premì randévoù.
Énformatsión :
BREL Bureau régional ethnologie et linguistique
Lo Gnalèi. Lo Guichet linguistique
16. ru Crouch-dé-Veulla
11100 AOSTE
Fax 0165/44491
Tél. 0165/43386 - 0165/363540