(patoué dé Bretsón)
A Féra dé Sent-Ors a l’at éncomintsà !
Dou 2 ou 3 d’avrì 2022, a veulla d’Ohta a sarà piéna d’artidjàn qu’i partisipon a rehcontra pi émportanta pé a traditsión valdouchtana.
A coza di probéma sanitére, tsétta 1022^ Féra a sé prézénta én eunna éditsión espétchala dé l’iforés é, pé l’occazión, o patoué ou poae pa manqué !
A l’é parì qué, ou lon da vohtra vejeutta i banquet dé y artidjàn, i poeu peu troé un caro dédià ou Gnalèi é ou BREL qu’i vo prézentéràn le iour ativité.
I poeu peu acheu complété a vohtra vejeutta én féjèn un tor virtuel vents ou portà www.patoisvda.org qué, pé l’ocazión, ou l’a beuttà én pi eunna reutcha sétsión pé a Féra dé Sent-Ors pé vo fére dehquevrì y orijinne, l’ichtouére é le chè traditsión éntó d’article siantéfécco, dé témouégnadjo d’un co, d’imadje d’archive é di nohtre djor, dé pièse dé téatro, o teut couentà a travers a lénga dou cour da Val d’Ohta: o patoué.