Tsertsa

Dichonéo

Contenù di site

Multimédià

Teste eun patoué

Documàn

Muzé Cerlogne : espozechón de l’étsatèn  

15 juillet / 30 novembre 2022  - Saint-Nicolas (Aoste)

expo-cerlogne_5797_l.jpg

(patoué di-z-Amaveulle)

Di 15 jeillet i 30 novembro, lo Muzé Cerlogne de Sen-Nicolà propouze l’espozechón “Drumì é sondjé, dormir et rêver”.

I moyen de sacante-z-objé de la tradechón valdoténa, de-z-imadze é de son, l’espozechón moutre le déféente prateuque gropéye i drumì deun lo ten é deun mouì de llouà déféèn : coutse, brie, lencheu, queverte é queusseun son lo cadro di berseuze tsantéye ou deutte todzèn todzèn é no rapellon comme lo fé de drumì sièye an baga queulterella. Dèisèn arreuvon le dzen é le beur sondzo é lo parcour de la vezeutta leuvre avouì catche coteumme d’eun mondo rural que y è pamì, devàn que lèi fuche la lemie élétreucca , can lo ten l’ie panco mezeuó atò le moutre, mi atò lo solèi que organizae le travaill de tcheu le dzor.

L’espozechón l’è financhéye pe la Réjón otonomma de la Val d’Outa, Streteua BREL, avouì l’édzo de la quemeun-a de Sen-Nicolà é de l’Unitó di Quemeun-e di Gran-Paradì.

Oréro pe lo pebleuque :

Muzé Cerlogne

La Cura, Sen-Nicolà

15 jeillet – 4 sétembro

De 3 a 7 euye de la vépró, frémó lo deleun

5 sétembro – 30 novembro

Tcheu le feun senaa avouì randévoù

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón