Tsertsa

Dichonéo

Contenù di site

Multimédià

Teste eun patoué

Documàn

Centre d’études francoprovençales : espozitsión dé l’itchatén

03 juillet / 30 août 2015  - Saint-Nicolas

Avétsa l'imadze

(patoué dé Bretsón)

O Centre d'études francoprovençales "René Willien" de Saint-Nicolas annontsia qué devéndro 03 dé jeyet a 18h30, ou Musée Cerlogne dé Saint-Nicolas y é sarat l'inauguratsión dé l'espozitsión :

Le chant populaire et l'amour pour le pays

Réalizà pé o Centre, én collaboratsión vo l'Assessorà réjonal dé l'Éducatsión é dé a Queulteurra - BREL (Bureau régional Ethnologie et Linguistique), a quemeunna dé Saint-Nicolas, é sohténouà dou CELVA é dé a BCC, l'espozitsión l'é o rézultà d'un lon parcour dé valorizatsión dé a tchantsón populéra én Val d'Ohta.

O parcour moda dé Jean-Baptiste CERLOGNE, qu'ou l'a su tchanté a Val d'Ohta én impièn a lénga di chè ayeul, éntó La lenga de ma mére, éjémpio dé tchantsón piéna d'amour pé o pais, é l'arua a Jean CERLOGNE, néoù dé l'abbé, qué to a tchantsón Le 25 avril mouhtra a valour qué tsétta féhta l'a pé a Val d'Ohta.

A travers o sujé dé l'amour pé o pais, tsi qu'i vejeutton l'espozitsión son portà a dehquevrì d'aoutour comme Marius THOMASSET, Herminie GERBORE, Jean DOMAINE, Magui BETEMPS é Henri ARMAND.

L'espozitsión vout valorizé l'attivité dé ehcrétour dé mezécca é di poète qu'i l'an su impié o patoué comme lénga pé dire le iour santemèn é pé mouhtré can yiron atacà a Val d'Ohta. Un caro émportant l'é donà a y aoutour dé Saint-Nicolas.

Orére d'iverteurra :

Musée Cerlogne
La Cure, Saint-Nicolas

5 jeyet - 30 oht 2015
15h - 19h, quiots o duluns

Pé nen saé dé pieuch, vejetteu o site www.centre-etudes-francoprovencales.eu