Tsertsa

Dichonéo

Contenù di site

Multimédià

Teste eun patoué

Documàn

Contine

(patouè de Tsaensoù)

Le tsantèn, le danchèn, lèi baillèn de ritme, l'eumplèyèn pe féye apprende an lenva : son le contine, le premiye conte qu'eun di i petoù.

Néné pounguetta

Néné pounguetta
La mamma l'è alaye a messa
Lo pappa l'è aloù a Teeun
Atseté de chocolateun
Pe la néna de pounguetta

Son

Néné pounguetta

Trompetta trompetta

Trompetta trompetta
Sè tè son-e
Mè té baillo
Dè pan è dè fromadzo
Desù eun platéi
Sè tè son-e pa
Mè té baillo dè melda di véi

Maguita Maguitón

Maguita Maguitón
Lava le-z-éze
Écoa mèizón
Fé la coutse é coutsa-té
Lèva le tsambe é fouetta-té

Tata bérata

Tata bérata
Couèye lé gnoué
Seuppa tsahtègne
Eunna a mé
L'atra a té
L'atra a la vieuye
Qué passe per hé
Coun lé den résinèn
Qué fèi pouire a totta la dzen

Son

Tata bérata

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón