Conte pe le petchoù pedzeun

(patoué di-z-Amaveulle)

Deun lo 2016, déféente dzi empléyéye deun tan de streutteue de l'Aministrachón réjonala l'an fourmó eugn équipo de retsertse pe analizé le publicachón de litérateua dèdiéye i pi petchoù é produiye de matériel eun patoué deun l'esprì di projé : « Qui si-dzó, cougniso meun téritouéo é vou pi a l'écoula ».

L'et eun travaill pensó étò pe le paèn po patouazàn é, eun jénéral, pe tcheu sisse que lamon le contine tradichonéle é l'an voya de le propouzé i leur mèinoù.

Tsaque pochette coloréye l'a :

• chouì marcapadze de contine (tradichonéle é po) vouì de consèille pe d'atre létteue de si janre ;
• cattro depliàn vouì de conte tradichonéle é po ;
• eunna cartoligna pe le paèn que spleuque lo contenù de la pochette é lo bu di projé ;
• eunna bibliografia de teste eun patoué é de d'atre teste que pouon itre contó eun patoué ató l'édzo de « Parole per dirlo ».

Deun la séchón « Pe nen savèi de pi », penséye é pe le paèn mi co pe le-z-éducateur, le métre, le dzi que fan retsertse é le spésialiste di patoué, s'acappe an sérì de titre pe qui l'ou s'emprateuqué é s'ecspertizé.

Tcheu le livro son présan deun lo SBV, lo sistémo bibliotéquéo valdotèn.

*Assessorà de l'éducachón é de la queulteua. Sistémo bibliotéquéo valdotèn.
Assessorà de l'éducachón é de la queulteua. Buró réjonal etnolojie é leungueusteucca.
Assessorà de l'éducachón é de la queulteua. Buró afféye jénéral.
Assessorà agriqueulteua é ressourse naterelle. Produchón véjétale, sistémo de caletó é servicho fitosanitéo.

(patoué di-z-Amaveulle)

Si projé l'a terià de « Nati per leggere » eun programme nachonal que se propouze de favorizé la relachón popón/écouteur - paèn/létteur, pe acoutimé le mèinoù, dèi leur néssanse, a la prateucca di mondo di livro. Llire eunsemblo tcheu le dzor l'è eun jeste d'amour que baille fose a la relachón euntre si que llit é si que acoute é eun pi favorize lo developpemèn cognitif, leunguesteucco é émochonel di popón.

Lo consèille l'è donque si lé de comenché seutta coutima de llire i pi vitto : dèi le premì mèis de via, se pouon dza llire i popón de tsansón é lèi prézenté de contine ató l'édzo di jeste ou eun fièn de djouà vi le dèi. Pi tar, can lo petchoù l'ou pi dza totché é tazeillé le livro, fo pi lèi nen baillé de rebeusto, pe poussèi lèi permettre eugn'esplorachón a 360°, sensa danjé de se fie mou vi le padze ou de s'appetré vouì de petchoù bocón. Veun pi, a la feun, co lo ten de la létteua di conte pi londze. Sisse passadzo vèyon évolué la relachón entrì l'adulte que llit é lo popón que acoute a traver le-z-émochón d'an vouése, lo plèizì d'acouté é la voya d'apprende é de participé a si moumàn de condivijón.