Tsertsa

Dichonéo

Contenù di site

Multimédià

Teste eun patoué

Documàn

La Vierje

Vierje patoué
Vierje patoué

(patoué de Vagrezentse)

La planéta que donte si signe l'é Mercure, l'élémèn l'é la téra.
Lo Solèi passe deun si signe euntre lo 23 d'out é lo 22 de settembre.
Couleur : lo gris.
Péra de la chanse : lo Saphir.
Métal : lo Mercure.
Dzor de la chanse : lo deméicro.


Caratéro

Le nèisù dézó lo signe de la Vierje son de dzé altruiste, l'an d'échèn é l'amon le travaille presì, feunque se se queutton bondàn trèinéi di projé eumportàn. Ézajéron avouì leur esprì creteucco.
L'an sovèn eun'euntellijanse pi ata que le-z-atre é eun bon gou deun l'ar. L'arian fata de dontéi lo sans creteucco peratro pourian neun payéi le consécanse deun la via de tcheu le dzor. Réalizon le travaille a la perféchón perqué l'an la nesessitéi que lo travaille sie parfé.
Méimo se queutton de cotéi le questchón de queur, son de plèizèn compagnón de via. La coseumma lo comportemèn eunver l'atro sexe l'é onnéto, caze puritane. Deun si signe la téisa donte lo queur é la nateura : filtre le-z-émochón, sovèn analize avouì tro de présijón le bague ou le situachón que se prézenton.
La Vierje l'a eun bon sans prateucco, todzor a braset avouì la doute é avouì l'euntellijanse rachonella é creteucca.
A la Vierje plè féye la vittima méi l'é modeste, sa can fa beuttéi d'échèn é la tristesse féi partia de son caratéro. L'a pa tan de fantazie, méi bièn d'ambechón é l'é rère que assettèye ou partadjèye l'idà di-z-atre. A la Vierje eun pou confiéi le travaille presì, perqué l'é cheur que le porteré a terme a la perfechón.


Lo sans creteucco de la Vierje l'é paréi for que lèi permé, can se sen bléchà, de féye eunna creteucca grama é malia feunque d'avanse. Pe la Vierje lo mondo euncomerche é fenì avouì llé méima. L'égoisme é lo fée d'isséi paréi creteucca l'é defesillo que portèyan a de mariadzo chanseu. La Vierje l'ame pa ajì avouì radze : fa jamé lèi beuttéi de préisa, fa lèi queuttéi to lo ten d'ezameréi le bague avouì pachése é presejón... baga defesilla a souffrì pe qui se troouve pa deun sa méima dimenchón !
La Vierje l'a pouéye de iérì maladda é l'ame la propretéi.
Le-z-émochón condichoron sa personalitéi : pou acapittéi que seutta eunfluanse sie paréi forta ou poueun de rendre frajillo lo sistémo nerveu de la personna.