De iòi veun-tì lo non Vaticàn?

Quemeun-a: Sen-Pière
Catégorì: Siantefeucco

Deun lo vioù tèn, lo Vaticàn l’ii lo non d’eun tsantì de Ròma, di coutì drè di Tevere, fran eun fahe di Tsan de Mars é a drèite di Gianicolo.
Da premì l’ii eun llouà umido, de dooussan-a; tò voco, moque bon pe alé eun tsan.
Tchica de tèn aprì, Agrippina l’a transformó hisse croué voco i pià de la couha eun fèyèn de dzèn dzardeun.
Todzòo lé pe lo Vaticàn, l’ampereur Nérón l’a fa fée eun petchoù sirque privó; lé dedeun son ihó tchouà le premì martire crétchèn: euntre leur fènque l’apotre Pière, que l’è ihó euntéró fran lé.
Dèi adón, hi tsantì l’è deveun-ui eun semechéo: tan pe le payèn que pe le crétchèn, tanque i tèn de l’ampereur Costanteun que, deun le-z-àn que von di 326 i 333 aprì Jézù Cri, l’a baillà odre de fée eunplan-ì lo sondzón de la criha pe lèi fée batì la premii bazeleucca dédiyéte a Sèn Pière.
Aa i Vaticàn ll’è lo Sèn Pée, mi l’è po todzòo ihó paè. I Mouayèn-Adzo lo Sèn Pée restòo deun lo Palè di Latràn, é pi tar deun d’otre eumpourtante batisse de Ròma comme lo Quirinale, que i dzòo de vouì l’è la rézidanse di Prézidàn de la repebleucca italièna.

français

D’où vient-il le nom Vatican ?

Vatican, dans l’antiquité, était le nom d’un col de Rome, qui s’élevait sur la rive droite du Tibre, en face du Champ de Mars et à droite du Janicule.
C’était un lieu malsain et humide, où il y avait des champs non cultivés qui se prêtaient bien au pâturage.
Ensuite Agrippina créa des jardins sur les premières pentes du col, alors que l’Empereur Néron y fit construire un petit cirque privé. Là furent exécutés les premiers martyres chrétiens (parmi lesquels l’apôtre Pierre, qui y fut aussi enseveli).
Le col devient donc un cimetière, payen et chrétien, jusqu’au moment où Costantin, entre 326 et 333 ap. J-C, en fit niveler le sommet et y construit la première basilique dédiée à Saint Pierre.
C’est seulement à partir de l’an 1870 que le Vatican est devenu la résidence du Pape : au Moyen Âge, en effet, il résidait dans le Palais du Latran, et ensuite il déplaça sa demeure dans d’autres palais romains, parmi lesquels le Quirinal, aujourd’hui demeure du Président de la République italienne.

Tiré de : www.focus.it, juin 2002

Annexe