Dé ioù vén-té lo non Vaticàn ?

Quemeun-a: Véres
Catégorì: Siantefeucco

Ou tén d’én co, lo Vaticàn y ire lo non d’én tchanté dé Roma, dou coté dret dou Tevere, fran in fatcha dou Tsan dé Mars é a dretta dou Gianicolo.
Danpremì y ire eunna lesca malsana é umidda; tò vaco, maque bon pé alé lardjì.
Quiécca dé tén apré, Agrippina y at fet dé bé djardén, dé sise cròi vaco i pi dé la cóhta.
Sèmpre lai pé lo Vaticàn, l’impératour Nérón y a fet in piquiot tchirco privà; lai dedeun son hta masà lé premì martir cristiàn, é tra lór l’apostolo Piére que y a hta interrà fran lai.
Dé aloura, si tchanté y a vignà eun sémétire: tan pé lé pagàn qué lé cristiàn, tanque ou tén dé l’impératour Costantén qué, di-z-àn qué van dou 326 ou 333 apré Jézù Cri, y a dounà orde dé fare impiané la seumma dé la créhta pé fare bahtì la premire iguize dédiaye a Sèn Pière.
Èra ou Vaticàn y é ihte lo sèn Pare. Ma y a pa sèmpre ihtà parì: i Moyèn Adjo lo sèn Pare ihtave dedeun lo Palas dou Latràn, é pieu tar dedeun d’atre importàn costrusión dé Romma còme lo Quirinale, qué i djor dé ouèi y et la rézidènsa dou prézidén dé la repubblica italiana.

français

D’où vient-il le nom Vatican ?

Vatican, dans l’antiquité, était le nom d’un col de Rome, qui s’élevait sur la rive droite du Tibre, en face du Champ de Mars et à droite du Janicule.
C’était un lieu malsain et humide, où il y avait des champs non cultivés qui se prêtaient bien au pâturage.
Ensuite Agrippina créa des jardins sur les premières pentes du col, alors que l’Empereur Néron y fit construire un petit cirque privé. Là furent exécutés les premiers martyres chrétiens (parmi lesquels l’apôtre Pierre, qui y fut aussi enseveli).
Le col devient donc un cimetière, payen et chrétien, jusqu’au moment où Costantin, entre 326 et 333 ap. J-C, en fit niveler le sommet et y construit la première basilique dédiée à Saint Pierre.
C’est seulement à partir de l’an 1870 que le Vatican est devenu la résidence du Pape : au Moyen Âge, en effet, il résidait dans le Palais du Latran, et ensuite il déplaça sa demeure dans d’autres palais romains, parmi lesquels le Quirinal, aujourd’hui demeure du Président de la République italienne.

Tiré de : www.focus.it, juin 2002

Annexe