De iò vén-té lou non Vaticàn ?

Quemeun-a: Cogne
Catégorì: Siantefeucco

Dén le vié tens, lou Vaticàn l’ére lou non d’én tsenté de Roma, su lou bor drét dou Tevere, fran en fasse di Tsan de Mars é a dréte dou Gianicolo.
Én co l’ére én térèn to béteun, maasàn é umiddou : to vaccou, bon maque pe méné le bétche. L’è pouéi itaye Agrippina que l’a fai de sé crouai vaccou én dzen jardèn tot en fieur, ba ou fon de la couta.
Toujoù pérénque pe lou Vaticàn, l’ampéreur Néròn l’a fai fare én petchoù sirque privò ; son pouéi itò tchouò le prémié martire crétchèn, é cou afina l’apotre Piére que l’è entérò fran lénque.
Dé adòn, sé tsenté l’è venù én sembetchérou sèye pe le payèn que pe le crétchèn, canque ou ten de l’ampéreur Costantén que, dén le-z-én dou 326 ou 333 apré Jézù Cri, l’a baillà odre de fare épiané lou sondzòn de la riva pe lé fare batì la prémiére bazeleucca dédiaye a Sen Piére.
L’é maque dé lo 1870 que ou Vaticàn lé reste lou Sen Pére, méi l’è pa itò toujoù parai : en éfé dén lou Mié Éyadzou i restave ou palats dou Latràn, apré ch’é pouéi tramouò dén d’atre gro palats de Roma, coumme ou Quirinale, que ou dzor de vouéi l’è la rézidanse dou prézidàn de la répebleucca italienna.

www.focus.it, juin 2002

français

D’où vient-il le nom Vatican ?

Vatican, dans l’antiquité, était le nom d’un col de Rome, qui s’élevait sur la rive droite du Tibre, en face du Champ de Mars et à droite du Janicule.
C’était un lieu malsain et humide, où il y avait des champs non cultivés qui se prêtaient bien au pâturage.
Ensuite Agrippina créa des jardins sur les premières pentes du col, alors que l’Empereur Néron y fit construire un petit cirque privé. Là furent exécutés les premiers martyres chrétiens (parmi lesquels l’apôtre Pierre, qui y fut aussi enseveli).
Le col devient donc un cimetière, payen et chrétien, jusqu’au moment où Costantin, entre 326 et 333 ap. J-C, en fit niveler le sommet et y construit la première basilique dédiée à Saint Pierre.
C’est seulement à partir de l’an 1870 que le Vatican est devenu la résidence du Pape : au Moyen Âge, en effet, il résidait dans le Palais du Latran, et ensuite il déplaça sa demeure dans d’autres palais romains, parmi lesquels le Quirinal, aujourd’hui demeure du Président de la République italienne.

Tiré de : www.focus.it, juin 2002

Annexe