Pinocchio La Conta d'eun burateun de bouque

(patoué de Tsaensoù)

Pendèn l'an scolére 2008-2009, Liliana Bertolo l'ayè pensoù, avouì l'èidzo di muzisièn Alessandro Boniface, an rentse d'animachón llattaye i personadzo de Pinocchio. Eun acoutèn la mezeucca, eun tsantèn, eun danchèn é eun djouyèn le mèinoù l'an apprèi lo patoué. Avouì l'euntenchón de moutré lo patoué, l'animatrise l'ayè, a si momàn lé, tradouì de passadzo di teste de Collodi, que le-z-eunségnante mime l'ayàn eumpléyà pe leur lesón.

L'Asséssorà l'ayè adérì a si projé que fenissae avouì eun spéttaclo pe le paèn, iaou le-z-atteur sayàn le mèinoù é iaou lo décor l'iye reprézentoù pe de dissèn reprodouizèn sertèin-e chéne de la conta : de inque l'è nèissiya l'idoù de tradouèire eun patoué l'euvra de Collodi.

L'è poussiblo acoutì eun leugne le tsapitre di livro, so permettéré, a bièn d'icouillì é d'adulte, de s'approtchì di patoué de fasón diffienta.
 
"Pinocchio. La conta d'eun burateun de bouque" l'è itoù tradouì eun patoué pe Liliana Bertolo é publià pe le Trouveur Valdotèn é le-z-édichón Musumeci.

Vente di livro : deun totte le boteuque de livro de la Val d'Ousta
Pri di livro : 15,00 euró.