(patoué de Gressàn) Lo 21 mars pasoù l'é ité-lei la Dzournó mondiala de la poézia, organizéye de l'Unesco pe lo premì cou deun lo 1999 pe baillì de fôse i role priviléjà de l'espréchón poéteucca deun la promochón di dialogue é de la comprénchón euntre le diféente queulteue, de la diversitoù de lenva é de queulteua, de la communicachón é de la pése.
Pe seutta occajón, l'Unione Nazionale Pro Loco d'Italia et LegautonomieLazio - ató la collaborachón di Santre de documentachón pe la poézia dialettala « Vincenzo Scarpellino » é lo Santre eunternachonal Eugenio Montale - organizon la seconda édichón di Concour littérero « Salva la tua lingua locale ».
Si concour l'é ivert a tcheut le-z-oteur é l'a diféente séchón libre. Sit an, eun pi de la POÉZIA (publiaye ou pa) é de la PROZA (publiaye ou pa), n'a de séchón pe le-z-ÉCOULE, pe la MEZEUCCA, é pe le TÉZI. La condechón que fa respété l'é que tcheut le teste prézentó dèyon itre icrì deun eunna di lenve locale d'Italie.
Le teste dèyon itre mandoù a l'UNPLI pa aprì lo 1ì setembro 2014, eun reuspétén le riille préviye pe tsaque séchón é que s'accapon si l'avì.
Lo momàn de la prémiachón saré lo 17 janvì 2015 à Roma, aprì lo travaille d'ézaminachón é de valutachón di teste fé pe eun jurì de spésialiste
L'avì é le fiche de partésipachón se pouvon dimandé a l'adresse :
giornatadeldialetto@unpli.info
ou ditchardjà de :
Eunformachón :
Coordinachón é secrétarià di pri
Gabriele Desiderio - giornatadeldialetto@unpli.info
Archive eun leugne
www.youtube.com/user/ProgettiUNPLI