(patoué de Tsaensoù)
Va eun devàn la publicachón di tsapitre di Manuel di bon uzadzo fé pe lo Guetset leungueusteucco de l'Assessorà de l'éducachón é de la queulteua.
Deun si seunquimo tsapitre, eun repourte lo vocabuléro consernàn le servicho de lavapateun, de estétiste, de barbì é de pigneuza, le-z-espréchón é le paolle qu'eun di can eun va eun banca, a la pousta, tchi lo mécanisièn, a la pompa de benzin-a ou bièn can eungn eumplèye le ben pebleuque ou la ditsardze.
L'et eun tsapitre bramèn reutso de néolojisme que nèisson can eungn a fata de diye de nouì consé deun de doméne que lèi sayàn panco deun la réalitoù valdoténa de settanta an fé ou que l'an èi de gran tsandzemèn deun le déri-z-àn.
Pe eunretsì lo manuel, chortéré eun nouì tsapitre dedià a la santé ou i partiye di cor.
Bon-a letteua !