L'euvra, pensà pé o projet dé coopératsión tranfrontaliéra E.CH.I. - Etnografie italo-svizzere per la valorizzazione del patrimonio immateriale, a couénta a travers imadje, témouagnadjo é commantére 25 di pi émportante féhte da Val d'Ohta. O jurì l'a lammà, én particuyé, a manira simpia é piéjénta a lére qu'a l'a servì a prézenté un reutcho énsémbio dé matériél etnografécco.
O pri, qu'ou l'at aroà a cha 20^ éditsión, l'é dédià a René Willien, eunna personalité qu'a l'a travayà totta a cha véa pé sohténì le traditsión é pé valorizé a queulteurra valdoténa. Touì y an non récompénsa parì y éditour qu'i l'an publià vents l'an dé lévro qu'i l'an eun éntéré pé l'ichtouére, a queulteurra, a sosiété é a jéografì da Val d'Ohta.
Musumeci l'a aroà co o sécòn pocht pé o lévro Champorcher Ieri e Oggi. I cambiamenti del paesaggio attraverso le immagini di un secolo, feut pé a Bibliotéca Pierino Danna dé Tchamportchì, dezeut a dirétsión dé Mauro Bassignana, Claudine Remacle é Fausta Baudin. Pé levré, o premì pri l'a gagna-lo l'éditour Duc pé a publicatsión Saint-Maurice de Sarre. Une paroisse, ses curés, dé Stefania Roullet é Adriana Meynet.