Tsertsa

Dichonéo

Contenù di site

Multimédià

Teste eun patoué

Documàn

Queulteua : l’émichón La Fisella deun le contenù di site

27 avril 2015

(patouè de Veullanoua)

La séchón Queulteua di site resèi eungn'eumpourtanta valorizachón mersì a la dispounibilitó di sièje valdotèn de la RAI.

A partì de vouì, hisse que vezeton nouho site pourèn acouté le diféèn épizode de l'émichón eun patouè, La Fisella, trasmettua pe radio, dédiéye i pi-z-eumpourtàn oteur valdotèn, i padze de la littérateua eun patouè, i-z-ar eun jénéral é a la mezeucca.

Heutta sériye, mandéte eungn onda l'èivir 2013-2014 pe RAI Radiouno é réalizéye pe Liliana Bertolo é Vincent Boniface, l'a valorizó lo patrimouéno queulterel valdotèn, mersì a la letteua de teste eun francoprovensal, i témouagnadzo di-z-écrivèn que l'an cherdù lo patouè pe leur créachón littérére é baillà vouése i-z-artiste de nouha réjón.

Hi parcour compozó de 9 épizode permè de cougnihe mioù eun tème eumpourtàn, hi de l'ar, é de comprendre tcheu le potensiel espressif di francoprovensal é de la sivilizachón valdoténa.

Ara vo reuste po d'otro que... d'acouté !