Proverbo é ditón

08 juillet 2014

(patoué de Tsaensoù)

Le padze di site dediaye i proverbo é i ditón tsandzon meua. Dèi oueu vo pouèide troué, eungn odre selón lo sujé, la sajesse de no vioù. Deun tsaque annesse, eugn éffé, eugn a recoueillà le proverbo - que son eumpléyà deun le diffiente quemeue de la Val d'Ousta é deun leue patoué d'orijine - consernàn lo mimo sujé : le marque di ten, le-z-amitchì é la paentoù, la retsesse, etc... L'et eun vouéadzo deun lo mondo irréel de no vioù que no fé cougnitre la via de tcheu le dzor, le pouiye, le-z-éspouèe, mi l'è étó euna fasón de avèi caque conseill é pe aprende lo bon sans que l'è quemeun euncó oueu.

Eun pou troué si reutso matériel deun la séchón dediaye a la Littérateua orala. Pe leue meeuto de savèi bièn prèdjì, pe leue ritme, pe lo chouà di paolle fé espré pequé reprézentèyan an mezeucca, le proverbo fegueon comme lo meriaou d'eunna queulteua, a momàn étó seumpletta, que l'et arrevaye tanque a no é que permé de vardé de-z-idoù, de valeue é de mot.