(patoué dé Bretsón)
O mé dé djénì, l'Assessour a l'éducatsión é a queulteurra da Réjón otonomma Val d'Ohta, Laurent Viérin, l'a prézentà o volùm Prouverbi é préléngon a la nouhtra mouda, feut pé Jolanda Stévenin, qu'a l'ae djan ehcreut moué dé lévro so o patrimouéne imatériél, surtoù da Val dou Lys, é qué tsi co l'a tocthà le proverbe é le deut qu'i son le témouèn da sajesse populére.
O lévro no prézénta le deut é le couénte ehcreut nou prèdjé dé Gaby, ma co én fransé é én tayàn, é acompagnà d'un piquiot comantére, qu'i donon véa a un reutcho récouèi qu'ou poudrà fére coniche i lettour l'arma da comunoté dé Gaby.