(patoué dé Brestón)
Énsémbio ou rechpet pé le djen é l'iverteurra vers y atre queulteurre, eunna di valour pi émportante dé l'Eouroppa l'é, séntsa doutte, a prézéntsa dé léngue diférénte. L'é tsen qu'a l'é ichtà deut, a gran vouè, so a Carta di drouet fondamental, signà l'an 2000, qu'a l'oblidja y Echtat dé l'UE a rechpetté le diféréntse.
So tsou arguemèn, eunna grousa atentsión l'é donà i léngue qu'i son deutte minoritére. Pé ié vardé, moué dé projet son ichtà feut.
A l'é o cas, pér éjémpio, dé a créatsión du Santre dé retchertcha eouropéèn Mercator so o multilénguisme é l'énségnemèn di léngue, qu'ou l'a beuttà én pi o projet LEARNMe (Language and Education Addressed through Research and Networking by Mercator).
O projet, qu'ou l'a o but dé créé d'echtremèn a impié vents l'énségnemèn di léngue én aitèn a dimensión multiléngue, l'é belle aroà a la fin é l'at ichtà djeuchto publià o Lévro bianc so a diversité lénguestécca (White Paper on Linguistic Diversity).
O lévro ou propoza eunna prézentatsión dou projet mémo é, surtoù, dé considératsión é dé racomandatsión a propó dé a diversité é dé tsen qu'ou foudrè fére pé garantì, vents ou tén, a véa dé totte le léngue.
Énformatsión :
Mercator Network
http://www.mercator-network.eu/index.php?id=1413
E-mail : mercatornetwork@fryske-akademy.nl
Tél. +31 (0)58 234 3064