(patoué dé Bretsón)
A compagnà dé téatro Lé Fripón dé Valtornéntcha l'a gagnà a 6a éditsión dou concours dé ehcréteurra téatrale én patoué, dédià a mémouére dé Magui Maquignaz Bétemps, cantautrisse populére, émpégnà pé vardé a queulteuerra valdotèna é fondatrisse da compagnà dé téatro Le Badeun de Chouéléy.
O pri, organizà pé l'Association Vignolet dé Arnad é pé a Fédérachon Valdoténa di Téatro Populéro, éntó a collaboratsión dé l'Assessorà dé l'éducatsión é da queulteurra da Réjón otonommaVal d'Ohta, l'a ichtà donà én occazión dou dérì randévoù dé tseht an dou Printemps Théâtral.
A pièse La conta dé Roque Fléèn, ehcreutta pé Paul Vallet, l'a ichtà tserdouà pé l'arguemèn attuél - o triadjo - é pé a bona calétà dou teste é dou patoué impià.