Tsertsa

Dichonéo

Contenù di site

Multimédià

Teste eun patoué

Documàn

Pri littéréo « René Willien » 2012

04 avril 2012

Avétsa l'imadze

(patoué de Veullanoua)

Lo 26 mase passó, eungn occajón de an sérimounia i Palè réjonal de Veulla, lo Prézidàn de la Réjón, Augusto Rollandin, l'Assesseur de l'éducachón é de la queulteua, Laurent Viérin, é lo reprézentàn di Santre queulterel « René Willien », Roberto Willien, l'an conségnà lo Pri littéréo « René Willien » - Réjón otonomma Val d'Ouha.

Lo Pri, que l'è aréo a la dizevouètchima édichón, l'è organizó pe la Prézidanse de la Réjón, avouì la collaborachón di Santre queulterel « René Willien », é l'è reustó beuttó eun pià avouì lo but de rappelé la figueua de René Willien, eumportàn écrivèn francoprovensal.

Lo pri, que se propouze de fée cougnihe i mondo littéréo l'euvra é le lièn avouì la queulteua valdotèna de hit oteur, l'ou ihé étò eungn euncoadzemèn pe la réalizachón de nouo projè éditoriel d'euntérè istoreucco, queulterel, sosial, jéografeucco é etnografeucco.

Hit an, lo Pri l'è reustó baillà a l'éditeur Tipografia Testolin pe le-z-euvre dédiéte a la figueua de Joseph Bréan, Un Jeune prêtre au cœur Valdôtain é Langages de l'âme, de Marie-Rose Colliard. Secón classifià l'éditeur Lassù gli ultimi, pe lo livro L'eredità della Fiera di Sant'Orso. 1963-2000, réalizó pe Gianfranco Bini é Giuseppe Simonetti. Lo trijimo pri l'è reustó baillà a Musumeci Editeur pe l'euvra Soldats. 1940-1945 de Paolo Maccari, Renato Gini, Umberto Mattone é Francisco De Souza.

Lo jurì l'a étò signaló tri-z-euvre é l'a bailla-lei eun recougnisemèn spésial : a l'éditeur Imprimerie Duc pe l'euvra To cen pe de qué realizó pe l'Avas - Association Valdôtaine des Archives Sonores ; a l'éditeur Musumeci Editeur pe l'euvra Au temps des saisons é a l'Imprimerie Duc pe lo Dictionnaire du patois de Champorcher, de Miranda Glarey.