Prémiéte l’euvra «Les lieux du patois»

12 avril 2011

Les lieux du patois

(patouè de Veullanoua)

« An sélébrachón réusia di lenve populére, présieuza unión euntrì tradichón é modernitó, que provocon, deun l’arma di qui lli, grousa ammirachón ». Heutta l’è la motivachón que l’a baillà orijinne i 17° pri littéréo dédià a René Willien a heutta euvra, éditéye pe l’Imprimerie Valdôtaine, « Les lieux du patois » que ni comme catalogue de l’espozichón omonimma, allestiya deun lo 2010 pe l’Assessorà de l’Éducachón é de la Queulteua, ioi que lo Guetset Leungueusteucco s’è occupó di traduchón é di trascrichón di partiye eun francoprovansal.

A l’orijinne d projè lo défì, recouiillà é gagnà pe le-z-oteue Alexis Bétemps, Raymond Vautherin é Moreno Vignolini, de conté an lenva a traver lo poueun de vuya de la fotografiye, de reprézenté a traver le-z-imodze eun di-z-élémèn pi eumpourtàn di patrimouane immatériel d’an communitó.

Lo livro, to comme l’espozichón, prézente eun parcour pe la découverta di conteste ioi lo patouè pren via eun vignen caze tanjiblo é de halle-z-attivitó que pouon po fée a mouèn di patouè.

Annexe