O mot dou més : « pianta »

25 mai 2015

(Patoué dé Bretsón)

I son djeuchto levrà y élétsion vents a maopart di quemeunne dé a Val d'Ohta é dé tsé quiécca non véérat « pouénté » dévàn le mite di gno santécco le traditsionéle « pertche », dé londje piante drette coppà echprés.

Ma quinta l'é-té l'orijine dé tsétta cohtuma? L'é eunna couénta moué viéya... Pé nen saé dé pieuch, tsou més tsé vo propozén eunna letteurra, terà dé eunna éntéressanta rétchertcha dé Alexis Bétemps, peblià vents a sétsión Teste én légna, tradeutta én patoué dé Veullagnoa é Introd.

S'i voleu alé avante so l'arguemèn di piante, papré, vo conséyén dé aité a sétsion Queulteurra douqu'i troeu a poézì dé Désiré Lucat, ehcrétour dé Tchahtéyón, dédià a eunna pobbia tsenténére, témouèn di gro momèn dé l'ichtouére parì comme dé a véa dé touì le djor.

Pé le pi piquiot, peu, poeu dehtchardjé é émprimé le matériél didattécco vents a sétsión Aprénde: déssèn a coloré, mot crojà, parcour qu'i prèdjon touit dou mondo di piante. Vo féjén rémarqué, én particuyé, a béla couénta dé Djaco é a pianta dé fajoù, én patoué dé Tchalàn-Damón.

Pé levré, manqueu pa dé queriozé vents ou Glossére pé dehcovrì touì le mot di piante é di bochón.

Comme l'acohtuma, vouélà cahquie éjémpio...

abro - pianta - pionta  - planta