O mot dou més : mite

27 avril 2015 - Le mot du mois

(patoué dé Bretsón)

Tchahté ou poro miquionet, o mite pé dé siécle l'at ichtà o cour dou mondo pé a maopart di djen. Surtoù un co, ou yira pa macque o pocht pi émportàn pé le rélatsión, l'amour é y éntéré, ma co pé totta l'économéa. Vents a queulteurra traditsionéla, peu, o mite poae dévénì o sémbole di sodjo é dé y echpouer réalizà.

Fran ou mémo tén qu'ou l'ivra o salón dou mite Maison & Loisir, vo propozén pé tsou més tsé cahquie aprofondichemèn so l'arguemèn.

I poeu énvioné, donca, én dehcovrichèn le mite d'un co éntó eunna letteurra dé eunna rétchertcha dé Alexis Bétemps é Lidia Philippot, tradeutta én patoué dé Bretsón é publià vents a sétsión Teste én leugna.

Pé alé avante, vo conséyén cahquie padje dé letterateurra, piéne dé sembiélón pé un mondo qu'ou y é pamà, qu'i son nachù dé a délicata puma di poétesse Jeanne Ducourtil é Herminie Gerbore.

Pé le pi piquiot, peu, eunna sétsión éntira dé Matériél didattécco l'a ichtà dédià i mite é i mouébio dé ouèi é d'un co.

Pé levré, poeu retchertché vents ou Glossére le mot, cognù dé pieuch ou dé mins, qu'i régardon l'ichté i mite é poé beutté a paragón le diférèn patoué.

Per vous un piquiot éjémpio dé diquié poeu troé...

méijón  méite  mèizón  mèizòn  méquio  mézón  mìète  mitcho  mite  mitte  tchavo