Tsertsa

Dichonéo

Contenù di site

Multimédià

Teste eun patoué

Documàn

Marché Vert Noël

21 décembre 2018


(Patoué d'Arnà)

En occajón di féhte dé Tsalende, lo Gueutset Lengueusteucco dé l'Assessorà Turisme, Sport, Comerse, Agricolteua é Ben culturel dé la Rédjón Otonomma dé la Val d'Ohta y at réalizà in bé levret en patoué qué vignéat don-à i minà qué fiéan poué lé animachón pé fameuye ou Marché Vert Noël dé Ohta pé fae-ié cognehtre la queulteua valdotén-a guetaye a l'alimentachón. « Carleun é Guita », lé persoadzo dé la piquioda conta, vo mion poué a scoprì lé prodouì di nouhtre montagne, come la Seupa a la Vapelenentse, qué y at lo tso djeu ent'ou brot, lo Prié, lo Meul é ten d'atre. So lo sito y et pousébio trouvé la rédjistrachón « audio » é lé traduchón en fransé é en italiàn dou teste.

L'animachón ou Marché Vert Noël y et féte avó in gro Djouà dé l'oca, qué ent'i mis pasà y at ihtà propozà ent'i féhte en djir pé la Val d'Ohta. Hi djouà y at fét emprende i minà, en dzoyèn, la nouhtra queulteua. Lo levret dé Tsalende y et na reprézentachón dé hi gro tapis, paé da portè-se i mitte na partì dou djouà.

La promochón dé la queulteua alimantéa dé la montagne fèi par d'in projé dé coopérachón transnachónala « Spazio Alpino Alpfoodway », ayoù qué ié son d'atre 6 pais outor di « Alpi ». Hitta projé vout fae en magnée qué lé nouhtre prodouì é la queulteua guetaye i nouhtre prodouì fison protedjà, en fièn en magnée dé ihcrie tot hénéque ent'ou « Patrimoine Culturel Immatériel » dé l'UNESCO.

No trovadde ou Marché Vert Noël lo :

  • 24 dé Guizembro 2018 dé 2 oue a 4 oue
  • 27 dé Guizembro 2018 dé 2 oue a 4 oue
  • 3 dé Dzénì 2019 dé 2 oue a 4 oue

 

Sé douvi-se fae beurt ten, l'animachón vignéat pa féte.

Pé informachón :

BREL - Oufficho réjonal etnolijì é leungueusteucca

16, Reuvva Crouà dé Veulla
11100 Ohta

Tél. +39 0165 32413