(patoué de Tsaensoù)
Aprì difiente publicachón si le bulleteun di quemeue é di parotse, la collaborachón euntre lo Gueutset leungueusteucco de l'Assessorà de l'éducachón é de la queulteua é le comunoté valdoténe conteugne avouì eun projè nouì.
Dèi si mèis de désambre 2017, é dèisèn tsaque mèis, lo site de la quemeua de Veulla - AostaInforma - publie pi eungn articllo di Guetset si difièn sujé.
L'euntenchón, comme l'è todzoo itaye tanc'ara, l'è salla de valorizé é de féye cougnitre lo patoué si lo territouéo, eun tsertsèn de réchì l'euntéré de pi de dzi poussiblo si seutta lenva é si la queulteua que lle mima transmé.