(patouè de Veullanoua)
Deun la quemun-a de Rhêmes-Saint-Georges, eun nouì parque pe le djouà é queulterel l'a djeusto iver se pourte i mèinoù é i-z-adulte que, mersì a eun parcour tedjà sprèse, pouérèn decouvrì ou cougnihe mioù le biche di Parque Nachonal di Gran Paadì, su la queulteua alimantéra di-z-alpe é su la lenva locala : lo patouè.
« Lo Berlò - Il parco dei segreti », inaouguró lo 27 mi pasó é réalizó pe l'Assessorà de l'éducachón é de la queulteua de la Réjón otonoma de la Val d'Ouha, deun lo cadre de la coopérachón transfontalière Italiye Franhe ALCOTRA 2007/2013 « Traditions actuelles », eun collaborachón avouì l'amministrachón comunala, permettérè, a traver lo djouà, de fée an véritobla « tsahe i trézor » pe apprendre eun s'amuzèn.
I djouà tradichonel s'alternérèn de djouà euntératif que sarèn todzor adjornó, pe fée nihe la curiozitó eun tcheu hisse que son sensiblo i novitó...
Le valode di parque di Gran Paadì fan da cornise i djouà que permetton étò de omenté le compétanse leungueusteuque di partésipàn avouì, pe ézeumplo, an dobbla prézentachón di biche di Parque eun patouè é eun fransè, curéte pe lo Guetset Leungueusteucco Lo Gnalèi de l'Assessorà de l'éducachón é de la queulteua.
L'Assesseur Laurent Viérin sostchàn que lo parque se propouze, eun magnii spérimantala é mersì a l'eunsemblo de queulteua é d'amuzemèn, d'évidenché le carattéreusteuque di patrimouéno queulterel d'an comunitó é, i mimo ten, de véiculé de tème llétó a eungn'idantitó spésefeucca que se vèi deun l'ambianse, deun l'istouére, deun le tradichón, deun la lenva. L'amplouà di moderne tecnolojì permettérè de supéré la dimenchón locala eun favorizèn an confrontachón avouì la dimenchón transfontalière.
P'aì pi de-z-eunfourmachón :
Quemun-a de Rhêmes-Saint-Georges
Mail : info@comune.rhemes-st-georges.ao.it
Tél. : 0165 907 634