(patoué dé Tsaensoù)
Le conte sayàn deutte maque a vouése é, pe so, deun lo ten é selón le quemeue, l'an èi bièn de tsandzemèn. Aprì èi eumpléyà eunna verchón de la « Conta di rat » é éi modifia-la pe la publiì deun 71 patoué diffièn si eun livret pe le mèinoù é pe l'apprentissadzo de la lenva deun le-z-icoulle, vo accapade la noua séchón « Verchón orijinale », iaou vo prézentèn diffièn témouagnadzo de la conta, avouì la transcrichón eun patoué, la traduchón deun le lenve franséze é italienna, é, iaou l'è itoù poussiblo, l'enrejistremèn sonore.
N'a surtoù de pégno tsandzemèn llattoù a la prézanse de diffièn protagoniste ou personnadzo que lo rat accappe (lo mouleun a la plase di melin-ì, pe ézeumplo) ou bièn de modificachón pi ou mouèn eumpourtante pe rappoo a comèn la conte fenèi (lo cordagnì romende la pi i rat ou bièn lo rat moueue deun lo ri).
Lo Guetset leungueusteucco l'è todzor disponiblo pe djonté de nouile verchón de la conta deun voutro patoué.