Tsertsa

Dichonéo

Contenù di site

Multimédià

Teste eun patoué

Documàn

La Fèira de Sent Or

30 janvier 2015  - Le mot du mois

(patouè de Veullanoua)

Tcheu le-z-àn, da omouente meulle-z-àn comme l'ou la tradichón, lo 30 é 31 janvì se fa eun Veulla halla que se pou retchan-ì eunna di manifestachón valdotène pi eumpourtante pe sa forta valeur identitéa. Bella se l'a perdù pe boun-a partia son élémàn orijinéo de martchà pe le moublo agricole, la Fèira l'a po perdù lo charme que la ren eungn eumportàn moumàn de rancontre é d'étsandzo, po djeusto économeucco mi étò sosial é queulterel.

Pe s'apreusté a l'édichón 2015, voualà coutche consèille...

Deun la séchón di site dédiéte i Teste eun leugne, vo pouode troué eungn'euntéressanta retsertse su le-z-orijine de la Fèira, réalizéte pe Alexis Bétemps é tradouita deun le variante francoprovansale di-z-Amaveulle, Brusson, Cogne, La Tchouiille é Vééye.

Se i contréo voulide eunségné i vouhe mèinoù le parolle eun patouè llétéye a l'artizanà é i michì, vo pouode detchardjé le fiche didatteuque da la séchón Apprende, Mèinoù é dzouvin-o, ioi vo trouérì euncò le matériel de la publicachón Lo ninno é lo tsaret, réalizéte eun collaborachón avouì lo sélèbre dessin-ateur Altan

Pe fenì, no vo fournissèn eun pitchoù ézersichó leungueusteucco : la Fèira de Sent Or deun coutche variante de francoprovensal valdotèn.

La Féira de Chent Or - La Fèya dè Sent Ors - La Fèira de Sent Or - A Féra dé Sent Ors - La Féra de Sent Ô