(patouè de Veullanoua)
Lo 20 sétambre 2011, l'Assesseur a l'éducachón é a la queulteua, Laurent Viérin, l'a inauguró Infoculture, eun nouì espase dédià a la promochón de la queulteua é i-z-attivitó que la regardon.
Infoculture troue son caro i plan térèn de l'eumpourtanta batisse de la viille Mèizón Barillier, que l'è dza lo sièje di-z-oufficho de l'Assessorà é eun particuillì di BREL, eun ru Creu-de-Veulla eun Veulla.
Lo nouì ouficho se propouze de èidjé tcheu hisse que l'an fota de-z-eunfourmachón deun lo domène queulterel, souà pe le servicho que pe le-z-attivitó organizéte pe l'Assessorà.
Eun pi, deun hi ouficho, se pou étò prédjé avouì eun référàn di Guetset Leungueusteucco Lo Gnalèi, lo servicho de l'Assessorà a dispozichón de tcheutte pe totta sorta de nésessitó que regarde lo francoprovensal : consulanse, coréchón, traduchón di teste, eunfourmachón a propoù di site www.patoisvda.org é di glosséo sonore que l'è dza eun leugne.
Infoculture l'è iver di deleun i devendro a partì de 9h00 canque a 12h30 é de 14h00 a 16h30.
Contà :
Assessorà de l'éducachón é de la queulteua
16, rua Croix-de-Ville - 11100 Veulla
+39 0165 43386 - 363540
asspatois@regione.vda.it
Infoculture
18, rua Croix-de-Ville - 11100 Veulla
+39 0165 265113 - 548116
infoculture@regione.vda.it
www.regione.vda.it/cultura
www.patoisvda.org