Tsertsa

Dichonéo

Contenù di site

Multimédià

Teste eun patoué

Documàn

Icoula populéra de patoué : dèi oueu pouade vo eunscriye eun leugne i course !

20 octobre 2014

(patoué de Tsaensoù) 

Tanque lo 22 de noambre, eun pou s'eunscriye i nouì course de l'Icoula populéra de patoué.

Adréchà a eun pebleucco bièn difièn, le course son organizoù pe nivó, pe possèi permettre a salle dzi que cougnisson pa lo patoué de lo apprende é pe salle dzi que l'an dza fé d'atre course ou que cougnisson lo patoué, de possèi mioù l'apprende.

Eun féré le course a Arnà, pe la basa vallaye, eun Veulla, pe la mouayenne vallaye. Pe l'ata vallaye, eun désidéré lo llouà pi tar, selón le-z-eunscrichón que eun resevré.

Protso de sisse course d'espréchón orala, eun propouze eun course de grafia é refléchón si la lenva, eun Veulla, rezervoù a salle dzi que comprègnon é prèdzon lo patoué.

Seu vo pouade vére la dimanda d'eunscrichón é vo-z-eunscriye dret eun leugne. Dèi sit an n'a pamì fata de pourté lo papì i BREL.

Pe d'atre eunformachón si le course, vezetade la séchón di site dediaye a l'inisiativa.

Enformachón :

ASSÉSSORÀ DE L'ÉDUCACHÓN É DE LA QUEULTEUA
BREL
Mma Brigitte Miron
16, Croix-de-Ville
11100 VEULLA
Tél. 0165 363540 / 43386 Fax 0165 44491
http://www.patoisvda.org/
www.regione.vda.it/cultura