(patoué de Doue)
Sit an étò, l'Assesorà de l'éducachòn é de la queulteua de la Réjòn Otonome de la Val d'Ousta organize de feun senaa d'immerchòn de lénva eun patoué.
Lo patoué pou pa itre digropoù di conteste istorique que l'a vi la sin-a évoluchòn é de la sin-a queulteua; pe seutta rèizòn, le staje de la séchòn 2011-2012 l'an prévì, i mimo tén di course contchentroù de patoué, de momàn de coéjòn si d'argumàn de la sivilizachòn valdoténa.
Lo staje de patoué l'ou itre eunna ocajòn de formachòn pe an périoda prolondjaye, que baille la motivachòn eun mimo tén de nén savèi todzoo de pi é de assimilé eun patrimouane reutso é particulié, seul i moundo.
Le staje euntansif, tin-ì pe de métre de patoué de l'Icoula populéra de patoué, a traèe la cougnisanse di caratéristique locale, son-pi propozaye deun seutte quei-e :
- Ponbozé 2-3-4 disambre 2011 (complétoù)
- Vapeleunna 24-25-26 févrì 2012 (feun iscrichòn : 03 février 2012)
- La Sala 1-2-3 joueun 2012 (feun iscrichòn : 4 mi 2012)
Le spèize di partisipàn son pe lo éberdzemàn (pénchòn complèta) é iscrichòn a l'Icoula populéra de patouépe l'an 2011-2012 (26 €).
Sisse que son euntéréchà son eunvitoù a compilé é a mandì eun dérì la fiche a l'Assesorà de l'educachòn é de la queulteua, éntro la data de feun iscrichòn.
Contà :
Assessorà de l'éducachón é de la queulteua
16, rua Croix-de-Ville - 11100 Veulla
+39 0165 43386 - 363540
asspatois@regione.vda.it
Infoculture
18, rua Croix-de-Ville - 11100 Veulla
+39 0165 265113 - 548116
infoculture@regione.vda.it
www.regione.vda.it/cultura
www.patoisvda.org