Glossére: fiche tématécque

17 février 2015 - Glossaire

(patoué dé Brestón)

Vents le padje dédià ou Glossére, i poeu troé, pé o premì co, a gnoa sétsión Fiche tématécque qu'a vo mouhtra le mot pieu éntéressàn dou patoué, divizà pé arguemèn. Le fiche son prézentà énsémbio a d'aprofondichemèn so a lénga, ma co so a queulteurra, le traditsión, le manire dé travayé é le mouébio qu'i sé impiaon un co.

O premì numéró l'é teut pé o melet : un co compagnón dé touì le travai dé l'ommo, l'at ichtà pé lontén ibià, a coza dé comme i l'an tchandjà le travai dé campagna é, surtoù, apré qu'i son aroà le tratour. Dériramèn, o melet, mersì a cha meunna drola é piéjénta, l'é aroà a troé torna un pocht ou mentén di tropé douqu'ou l'é a mascotte.