(patoué de Tsaensoù)
Sit an, lo 11 é 12 de mi 2017, la quemeua de Pontey baille-pi lo bièn arrevoù i-z-icoulle que partisipon-pi a la gran fita finala de la 55a édichón di Concoù de patoué Abbé Jean-Baptiste Cerlogne .
Créoù l'an 1963 pe René Willien é organizoù pe l'Asséssorà de l'éducachón é de la queulteua de la Réjón otonomma Val d'Outa, eun collaborachón avouì lo Centre d'Études Francoprovençales René Willien, lo Concoù Cerlogne l'a pe michón salla de sovegardì é de beuttì eun valeue la queulteua francoprovensala. La gran fita finala reprézente lo momàn de graficachón pe le-z-icouillì que l'an traaillà to lo lon de l'an si lo sujé propozoù sit an : Riye, lambé, djouyì d'an jénérachón a l'atra.
Eungn annesse vo trouade, lo l'avis é lo programma bièn dicrì de seutta manifestachón.
Pe eunfourmachón
Asséssorà de l'éducachón é de la queulteua
Tél. 0165/363540-43386