(patoué de Gressan)
1) LLOUÀ
Deun queunta fasón le-z-eunségnàn dimandon la disponibilitoù di local ? A titre personnel ou pe contcho de l'Assésorà ? Saré pi l'Assésorà a dimandé i-z-amministrachón le streteue? É se le-z-amministrachón no dimàndon pi de sou ?
Deun le-z-offre le concuràn dèyon prévére, comme l'oou seutta amministrachón, rénque de propozechón.
2) NOMBRO DE COURSE
N'aré rénque eun course pe tsaque tipolojì ou bién, comme le-z-àn pasoù, a selón di-z-icrì n'aré pi que eun ?
Le course iaou fa feuye l'offre son marcoù amoddo deun lo documàn DÉTAI DI COURS.
3) Pou se feuye que, se n'aré pa d'icrì, lèi saré pa lo course ?
L'é l'amministrachón que prén le désijón.
4) COURSE DE GRAFÍ
Rénque eun ? Sénsa tin-ì contcho di diféén poste é di propozechón pe sén que l'é la refléchón si la lénva ? L'areuye pi de sanse chédre trèi projé pe la grafì, lèi feuye tchica de publisitoù é deuye que s'organizeré rénque lo course que l'a pi d'icrì.
Tsaque candidà, se l'é euntéréchà, dèi mandé le propozechón selón le riille que n'a desì l'eunvitachón.
5) ACHURANSE
Salla pe le-z-icrì l'é euncó a tsardzo de l'Assésorà?
Fa prézenté l'offre selón le riille que n'a desì l'eunvitachón. To sén que l'é pa icrì l'é pa de compétanse di concuràn.
6) Riesimo/Rmax : sénque l'oou deuye?
L'é an métodda de calqueul pe troué, avouì eun numeró solet final, l'offre a pi bon martchà (selón le loué).
7) Pe partisipì a l'offre, l'è-tì eundispensablo avèi eunna pozechón IVA ou bièn l'è-tì poussiblo partesipì eugn eumpléyèn seumplamente lo code fiscal é ivrì eunna pozechón IVA maque can eun gagne l'offre ?
Lo janre de documèn fiscal que lo partisipàn a l'offre prézente pe lo payemèn di servicho l'et eun chouà de tsaqueun.
8) Pe sen que conserne l'organizachón é le contenù de tsaque lesón, fa prézenté avouì présijón totte le-z-attivitoù de tsaque lesón ou bièn l'è suffizàn prézenté eun programma pi jénérique ?
Fa itre pi que présì péqué la comechón féyèye eunna djeusta valutachón.