(patouè de Veullanoua)
L'è iverta, canque i 4 di mèise de mi, l'eunscrichón i dirì ben de lenva, pe l'an 2010-2011, organizó pe l'Icoula Populéra de Patoué.
Laurent Viérin, Assesseur a l'éducachón é a la queulteua, sostchàn que le ben de lenva son eungn'occajón pe baillé eungn'eumpourtanta fourmachón que trasmettèye i dzi lo gou de nen saì de pi é, i mimo ten, de s'aprotché a eun patrimouéno queulterel retso é eneucco.
Lo ben de lenva, pensó pe le-z-adulte, l'è organizó a l'oberdze Panoramique de Torgnón di 3 i 5 jeun queeun. Lo projè pe hi feun de senaa l'è bièn retso : a coutì di ben de lenva l'è prévù eun tsemeun didatteucco pe decouvrì lo poste a traver de-z-animachón, de proméode, de laboratouéo é de moumàn d'aggrégachón su de sujè llétó a la sivilizachón valdotèna.
Hi l'è lo programme :
> lo Veladzo é lo Muzé di Petit-Monde
> le Persun-adzo fameu
> animachón su comme eun couè lo pan deun lo for di veladzo
> proméode pe decouvrì le plante pe se sogné
> prézentachón di groupe é di costume di Sargaillon de Torgnón
> la rélijón populéra
Le cou a tsardzo comprègnon lo midjé, lo drumù é l'euscrichón a l'Icoula Populéra de Patoué pe l'an 2010/2011 (se eun s'è ponco eunscrì).
Le dzi que son euntéréchéte dèyon mandé, mimo a traver lo fax, po pi tar di 4 mi prochèn, la fiche compiléte que se troué eungn'annexe.
Pe aì pi de-z-eunfourmachón vo pouode téléfoné i personel de l'Assessorà i numéró 0165/43386 é 0165/363540.