Diversitó leungueusteucque eungn Oroppa

19 août 2016

(patoué d'Euntroù)

            Hise dérì mèise se son tchan-uye diféente rancontre euntrì lo NPLD (Network to Promote Linguistic Diversity), lo rézó oropéèn pe la promochòn de la diversitó leungueusteucca, é l-z-organe de l'Uniòn oropéenna.

            Heutte rancontre l'ion finalizéye a la prézentachòn de la par di NPLD de la European Roadmap for Linguistic Diversity, sareu a dî d'eun plan d'achòn é de racomandachòn strutturó ; eun plan a mimo de garantì la protèchòn di présieu patrimouéno culturel oropéèn é la surviya di lenve minoritée de nouho continàn.

            L'Uniòn oropéenna l'a resù pozitivamente le propozichòn di rézó NPLD, fourmó de diféèn organisme nachonal é réjonal, mi étò d'assochachòn é di-z-ONG que traillon dedeun lo sèteur di « multilinguisme ».

            Eun particulié, lo plan souleugne l'eumpourtanse de plaché l'assàn desù lo coutì « euntégrateur » di poleteucque leungueusteucque, élémènfondamental seurtoù eun hi moumàn ioi que l'idó di projè oropéèn semble alé eun crize a couza de to hen que capite.