(patoué de Veullanoua)
La série dapertotte - téatre dapertotte, que trasfourme eun fotoromàn le spettacllo téatral pourtó su lo palque eungn occajón di Printemps théâtral 2011, se eunretsèi de doe nouile chourtie.
Heutta orijinella propozichón éditoriella l'è reustéte voulua é réalizéte pe l'Assessorà de l'éducachón é de la queulteua de la Réjón otonomma Val d'Ouha, eun collaborachón avouì la Fédérachon Valdoténa di Téatro Populéro. Lo but de la publicachón l'è hi de valorizé le pyihe de téatre di compagnì de la FVTP que, penséte, écrite é resitéye eun patouè, la « lénva di queur », resèison a bièn fotografié la sosiétó di dzor de vouì é la via de tcheu le dzor eun demouhèn deun heutta magnii veuo lo patouè l'è an lenva vivanta é boun-a de s'adatté i ten é a totte le-z-occajón que se prézenton.
Voualà le compagnì téatrale que, a traver le-z-immadze é le dialogue, no conton le pyihe que l'an eunterprétó deun l'édichón 2011 di Printemps théâtral :
deun lo trijimo numéró
- Le Squiapeun de Bionaz, avouì Se pouson criì vacanse ?
- La Rigolada de Gignod, avouì Soundzo d'an nite de mi itsatèn.
- La Tor de Babel, compouzéte pe de-z-atteur que vignon d'Avise, Aymavilles, Morgex, Introd, Saint-Pierre, Saint-Nicolas, Valgrisenche, Valtournenche é Villeneuve, atò Queur dedzaló.
- Le Djabloteun de Sarre, avouì Ah, le fénne tro saye.
deun lo catrimo numéró
- Lou Tracachemèn de Cogne, avouì Cogne te nou sembie dzenta.
- Le-z-Ami dou Patoué de Nus, avouì La Corrida.
- Le Armanac de Féic de Fénis, avouì La fèi que l'ie miouc frenic a l'enfil.
- Tan Pe Ri-Ye de Saint-Marcel, avouì An dzornoù défienta.
Le publicachón son eun distribuchón i téatre Giacosa de Veulla eungn occajón di souaré di Printemps Théâtral, ou deun l'ouficho de Infoculture.
L'è étò poussiblo detchardjé lo fotoromàn deun la séchón di site dédiéte i fotoromàn.
Eunfourmachón :
Assessorà de l'éducachón é de la queulteua
Rua Creu-de-Veulla, 16 - 11100 Veulla
+39 0165 43386 - 363540
asspatois@regione.vda.it
www.patoisvda.org
Infoculture
Rua Creu-de-Veulla, 18 - 11100 Veulla
Oréo 9h00-12h30 14h00-16h30
+39 0165 265113 - 548116
infoculture@regione.vda.it
www.regione.vda.it/cultura