(patoué dé Bretsón)
I l'eu tén tanque o 30 dé sétémbro pé partisipé ou concours fotografécco « Us and the Alps » !
O concours, organizà pé Eusalp - projet dé coopératsión transfrontaliéra éntré 48 réjón dé 7 pais dé l'arc alpìn - l'a comme objètif tsou dé fére réfléchì le djen so le particularité dou territouére, da sosiété, dé l'économéa é da queulteurra dé montagna, ma co so le grouse novétà di dérì an.
Y é son tré catégorie én concours :
- ambient, queulteurra é traditsión ;
- travai, dévéloppemèn é énovatsión ;
- mobilité é énerjì.
Ou fa tchardjé le foto réalizà so a padja Facebook da Baviera, qué tseht'an l'at a prézidéntsa dé Eusalp (www.facebook.it/Bayern), ou so Twitter é Instagram, én impièn y hashtag #UsandTheAlps é #StKFotowettbewerb.
A partisipatsión l'é iverta a touì le djen qu'i vichcon én montagna.
Lamméròn vére partisipé moué dé patouézàn qu'i saràn bon dé valorizé a iour lénga a travers y imadje !
Pé énformatsión :