Tsertsa

Dichonéo

Contenù di site

Multimédià

Teste eun patoué

Documàn

Concours Cerlogne : matériel didatteucco

19 février 2015

(patouè de Veullanoua)

Contenuye, avouì l'édichón n. 53 di Concours Cerlogne, l'attivitó de retsertse que l'a comme but la (re)decouverta di quemun-e valdotène da par di nouile jénérachón.

Hit an lo sujè que l'è reustó cherdù conserne, eun particuillì, le savoir-faire : michì, capasitó, magnii de fée tradichonelle que fan partia de la queulteua de an comunotó é que la rendon eneucca.

Hit an, pe leur traille, eunségnàn é écouillì l'arèn a dispozichón eungn èidzo euntéréssàn : an sériye d'animachón didatteuque deun le classe, féte pe eungn esper de francoprovensal avouì l'euntenchón, d'eun coutì, d'aprotché i patouè, d'an magnii plèizenta, le mèinoù que cougnison po heutta lenva, é de l'otro de splequé lo but de la retsertse é de baillé an métodda d'analize. Lo to a traver de djouà, de tsanhón é de danhe

A suppor di-z-attivitó, l'è reustó apreustó de matériel didatteucco que pou ihé eumpléyà euncò i defoua di-z-animachón. L'è poussiblo lo detchardjè a la séchón di site dédiéte i Concours Cerlogne. Hé vo pouérì troué lo livrè illustró que eunsègne la magnii pe fée le retsertse, mi étò le tsanhón é le teste eun patouè que accompagnérèn le-z-animachón é la fiha finala di Concours.

Hit an, l'attivitó de retsertse propouzéte i-z-ecoule l'è reustó eunsérì a l'euntérieur di projè de coopérachón territoriala trasfrontaliére I/F Alcotra 2008-2013 n° 26 ETHNOLOGIA, projè financhà pe l'Unión Oropéenna avouì l'Assessorà deun lo role de partenéo.   

Bon traille é bon amusemèn !