(patoué dé Bretsón)
L'Assessorà dé l'éducatsión é dé a queulteurra ou l'organiza - vents ou programma dé coopératsión territoriala I/F Alcotra 2007/2013 ETHNOLOGIA - eunna djornà dé formatsión dechténà a y énségnàn qu'i volon partisipé a 54^ éditsión dou concours dé patoué pé y ehcole Abbé Jean-Baptiste Cerlogne.
Tsa djornà l'é a manira pé éncomintsé un parcours pé aprénde é pé réfléchì so l'arguemèn dou concours, un parcours qu'ou portérat a prézenté un dossier so le rézultà di travai feut ou lon dé teut l'an scolére.
A formatsión sarà feutta ou mé dé otobre, én orére dé travai, é Bretsón, dou qué l'at ichtà bahtì un chanquié-ehcola so a tchats, eunna dé y initsiative réalizà pé y animatsión queulterelle dou projet Un patrimoine à redécouvrir. Le fré dé tranchport sont a tchardja dé l'Assessorà.
Y énségnàn qu'i sont éntéressà déon rénde ou BREL (Buró réjonal pé etnolojì é a lénguéstécca) le fiche d'énchcritsión dzé djouénte (pé partésipé ou Concours é a djornà dé formatsión), dévàn qué o 30 dé sétémbro 2015.
Pé cogniche le détai, poeu dehtchardjé a sirculére tsé dézeut.