(patoué dé Bretsón)
Én légna to a polétécca dé promotsión dé l'echteugguio da Civilisation valdôtaine, l'Assessorà Éducatsión é Queulteurra da Réjón otonomma Val d'Ohta prézénta o gno Fichier didactique dedià a y énségnàn é a y ehcoyé dé y éléméntére.
L'euvra, féta pé l'Assessorà, sé propògn dé guidé le minà én un vouéyadjo pé dehcovrì l'ichtouére, a jéografì é a queulteurra da Val d'Ohta.
L'Assessour Laurent Viérin ou di qué tsou projet sé énsérich né y iniziative organizà pé l'Assessorà pé fére cogniche a Civilisation valdôtaine né y ehcole. O Fiché aida a valorizé le valour queulterelle da nohtra Réjón. Y attivité qu'i son propozà aidon a dévéloppé l'idé dé fére part da communoté valdoténa é éncoradjon l'iverteurra é l'ehtchandjo to dé queulteurre diférénte. Én effet, si d'un la, non valoriza ni minà un sentimèn comunotére é un lièn fort to a tèra d'orijinne, dé l'atro non ié éncoradja a ivré-se a l'Éouroppa é ou mondo, pé bahtì énsémbio dé valour quemeunne. Y ehcoyé qu'i vègnon dé louénts pouràn troé én tsou Fiché dé motivatsión émportante pé éntégré-se mièi o territouére douqu'i vichcon.