(patoué di-z-Amaveulle)
Dèi-z-ara l'et eun leugne lo site web di Centre d'Etudes Francoprovençales « René Willien », istituchón que travaille, dèi apepré djemié siécle, pe la diffujón é la promochón de la lenva francoprovansala é pe lo développemàn di-z-éteudzo etnolojeucco é leunguesteucco que s'occupon di réjón francoprovansale.
Si nouvo pourtal eunternet l'a sa plase deun l'eunsemblo di site spésefeucco pe lo francoprovansal, é l'ou vin eun gneui de relachón for, eun martsèn avouì l'esprì de pouèi partadjé lo pi possiblo le-z-eunfourmachón avouì totte le-z-istituchón que s'occupon di patoué.
Lo site l'è bièn reutso d'argumàn é eun pou lèi acapé de-z-eunfourmachón su lo Centre, su signa istouée é su son travaill, mi po maque. Eun pou co lèi découvrì le person-adzo que l'an baillà leur édzo i Centre, le padze de seuncant'an de Concours Cerlogne, an savató de documàn leunguesteucco é etnografeucco é bièn d'atro euncó.
Pe cougnitre mioù si site, bechéde donque l'adresse :
www.centre-etudes-francoprovencales.eu
Contat :
Centre d'Etudes Francoprovençales « René Willien »
6, hameau Fossaz-Dessus
11010 Saint-Nicolas Vallée d'Aoste
+39 0165 90 88 82
www.centre-etudes-francoprovencales.eu