• Aqueuille
  • Noalle
  • Centre d’Études francoprovençales : rehcontre dé lettérateurra

Centre d’Études francoprovençales : rehcontre dé lettérateurra

10 février 2015 - Saint-Nicolas

(patoué dé Bretsón)

A lettérateurra én patoué a sort dé y archive é va rehcontre di djen !

O mé dé guijémbro l'an énvionà le premire rehcontre dédià a y ehcritour patouézàn. Organizà pé o Centre d'Études francoprovençales « René Willien » dé Saint-Nicolas, tsetta initsiativa a prévèi douch sicle dé rehcontre: o premì dédià pitouch a un peblécco dé spésialiste é o sécòn ivert a touit.

Ou lon dé tsétte vèyà, non léérà pa macque dé echtrè dé lévro, ma sé féjéràn co dé aprofondichemèn so o milieu sosial, istorécco é biografécco dé l'aoutour. Non prèdjérà acheu dé a lénga é dé a tchivilizatsión francoproventsala. Én pieuch, le letteurre dou sécon sicle saràn valorizà pé y attour dé a Fédérachon Valdoténa di Téatro Populéro.

Le premire vèyà sè tènèràn a sala dou Consèi quemenal dé Saint-Nicolas ; ou contrére, le dérire rehcontre saràn feutte én diférèn pocht.

Pé saé le date di rehcontre, aiteu o calandrì dé y Evénemèn so o site ou peurra vejeutteu o portà dou Centre d'Études francoprovençales.

Vo récordén qué, vents a sétsión Queulteurra poeu troé dé aprofondichemèn éntéressàn, énsémbio a dé letteurre tserdouèi, di pi émportàn aoutour valdouchtàn.