Tsertsa

Dichonéo

Contenù di site

Multimédià

Teste eun patoué

Documàn

Lo ninno è lo tsaret

(patoué de Tsaensoù)

La collaborachón euntre lo dessin-ateue Francesco Tullio Altan va eun douàn é eunna nouila publicachón de eunna conta de la tradichón orala valdoténa lou, eun cou de pi, sensibilizé i patoué le jénérachón que vérrèn.

Si livro l'é eungn éffé itoù pensoù comme èidzo didatteucco deun le course de patoué pe le mèinoù de 3 tanque a 11 an é permé d'organizé eun parcoù d'apprentissadzo que sèye douse é amuzàn é que féyèye cougnitre i mimo ten de contenù pa maque leungueusteucco mi étó queulterel.

Seutta conta l'a eunna streutteua seumpla, que eun comprèn é eun apprèn bièn pe queue, é d'élémàn fameuillì pe le mèinoù (paolle di prèdjì eunfantiillón, prézanse d'onomatopé é d'élémàn de mezeucca), que lèi permetton de se retroué deun le protagoniste de seutta conta. Eun partèn de sisse élémàn, saré poussiblo prèdjì de sertèn argumàn de la sivilizachón valdoténa é de féye passé de contenù leungueusteucco é queulterel eumpourtàn.

Lo teste de la conta l'è pa eumprimoù si lo livro, mi fa lo ditchardjì de la séchón Apprendre di site. Eun lo icrièn, ou lo euncollèn si lo livro, le mèinoù pouon pi, leue mimo, beutté eun pià la conta é l'apprentissadzo. Si chouà témouagne noutra volontoù de valorizé totte le variante de patoué, que l'an dedeun le-z-élémàn eumpourtàn di gran patrimouéno queulterel valdotèn.

Le dérie padze di livro prézenton can mimo lo teste orijinal de la conta deun lo patoué de Véèye é étó eungn italièn é eun fransé.

Oteur: Altan
Disponibilitoù: Pe lo liye, fa allé eun bibliotèque
Éditeur: Veulla: Réjón otonomma Val d'Outa (Veulla: Imprimerie Valdôtaine)
An: 2013
Grouchaou: 20 x 20 cm
Isbn: /
Lenva: Francoprovansal, fransè é italièn