Lo boh dé tsahtagnì a l'ehtabio

Lé bahtón rébécà

Nicod Arduino conte :

« Can alavo lardzì lé fèye, cahque co, fiyavo dé bahtón rébécà. Corbavo lé dzeut di herle é di tsahtagnì é lé gropavo to dé gore ou dé lentan-e. Lé quittavo lai gropà pé in mis é can véyivo qué y avivon prét la forma lé tayavo déré. Apoué lé lichavo sétsì, toujour gropà, perqué sé lé dégroppavo, lé piemavo é lé assouyavo ».

Son

  • Padze 58

    Ató la vouése de Sandra

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player

To lo boh dé tsahtagnì…

To lo boh dé tsahtagnì fiyavon co lo ban di vatse é la rètse. Pé fae la rètse prestavon dé lon tavé é ogne métre y é fiyivon in boé pé fae entré la tsén-a di vatse.

Pé tugnì su lé tavé ogne ten métre piahiavon dé colenne qué sivon féte to dé biyón dé herla. Sé la tsén-a, y ive tro londze, déré y é beuttavon dé sicoulón.

Lé sicoulón

Lé sicoulón sivon dé toc dé bohc carà to lo boé ou méh, qué servivon pé rehquieurhì la tsén-a. Selón dé tamme fantive rehquieurhi-la né beuttavon eun ou do ou tré.

Né beuttavon tré can lé vatse sivon a bore paé lé tignavon pieu ferme.

Son

  • Padze 60

    Ató la vouése de Sandra

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player
  • Padze 61

    Ató la vouése de Sandra

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player
  • Padze 62

    Ató la vouése d'Ephrem

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player

Lo cabouèt dou portset

A l'ehtabio y ive co lo cabouet dou portset.

Dé cohténma sive carà ou berlón é sive fét to dé tavé dé tsahtagnì perqué sive in boh deur é can lo portset ravadjave, lo cabouet tugnave é sé débélave pa.

Ent‘in cantón y avive lo biyet. Lo biyet sive in toquet d'in biyón dé tsahtagnì tsavà pé fae ihté la piqué. Aper dou biyet y ive toujour na paletta dé boh pé poussé outre la piqué ou portset.

Ié don-avon da piqué do co per dzor.

Féyavon la tsoudén-á é beuttavon couée dé gneuf di béhque, dé tsahtagne é dé tréfolle.

Can sive tot couet, pouijavon cahque potchià é mehquiavon avó l'erba tsapiaye é portavon piqué.

Pa poue totte lé fameuye pouyivon vardé in portset perqué y avivon pa da piqué a doun-i-ie.

Son

  • Padze 63

    Ató la vouése d'Ephrem

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player

Lé crotset

Lé crotset di vé lé fiyivon to dé dzeut dé herla. Prendivon dé dzeut é lé tsapotavon piat lanque fiyivon lo boé pé croutsi-le é la resta lé lichiavon rión. Dou coté dé foua y é gavavon pa gnanca l'ehcor.

Lé crotset servivon pé taqué lé vé apén-a nà. Empiéyavon lo crotset dé boh ou post dé la tsén-a péqué lé vé y avisson pa ehtranguia-se.

Son

  • Padze 65

    Ató la vouése d'Amélie

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player

Lé tsambié di tsivre é di fèye

Lé tsambié lé fiyavon to dé dzeut dé herla.

D'ivér can fiyave fret alavon tayì lé dzeut di herle é lé portavon a l'ehtabio ou bontèn. Lai lo boh vignave ouméyo é corbave pieu len. Lo nét enté la véyà lé tsapotavon.

Pé premì baga gavavon l'ehcor, apoué lé corbavon tenque y avisson prét la forma. Apoué d'in coté y é fiyavon lo boé é dé l'atro coté y é fiyavon lo crotset pé croutsi-le.

Lé tsambié servivon pé taqué lé tsivre, lé tsévrèi, lé fèye é lé moutón a la rètse.

Son

  • Padze 66

    Ató la vouése de Sandra

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player
  • Padze 67

    Ató la vouése de Sandra

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player