Littérateua écritta

(patouè de Veullanoua)

La littérateua eun patouè, belle se l'a po aù la mima diffujón di littérateue fransèze é ossitan-e, l'è po sensa retsèhe. Eun pou remarqué que d'abetudde l'arue caze jamì di grou santre de la réjón. Eungn effè, Lyon l'a vitto eumpléyà la lenva di Rèi de Franhe comme lenva écrita é l'a po poussù vin-ì eun santre a mimo de eumpouzé an Koinè. Lo mimo discour vo euncò pe Genève, l'otra groussa veulla de la réjón francoprovensala, que l'a cherdù lli étò lo fransè.

A par coutche-z-atto di notéo é de l'éillize deun lo XIII sièclle, la littérateua eun patouè se developpe pitoù tar, po devàn lo Mouayèn Adzo.

Eun Val d'Ouha, l'abbé Jean-Baptiste Cerlogne, poète é idéateur d'eun sistème d'ortografì é de eun dichoun-éo que l'a ispiró bièn de-z-écrivèn de sa réjón, pou ihé retchan-ù lo fondateur de la littérateua valdotèna. A partì de se-z-écrì, bièn de-z-écrivèn l'an cherdù d'écrie leur teste eun proze, poésì é de téatro eun patouè. Ne vo le prézentèn deun heutta séchón.

Arbaney M. Palmyre »

Sa poéziya prèdze di-z-étape de la viya : i comensemèn l’entouziasme de la jenesse, aprì la reflèchòn su lo ten que pase…

Bernin Venance »

S’eumprovizô poète eun totte le-z-occajòn: eun servicho comme valè eun réjòn, amuzô le dzi que atègnoon d’ihé resuye...

Berthod Amédée »

Creteucco d'ar é peuntre, deun sa poézie l'ie bon de décrire le sujé avouì eun tré lest é rapiddo, eun eumpléyèn le parolle comme sissan issée eun pénel.

Bibois Ruffier Reine »

L'èi booua d'euntsarméi qui l'acoutaa avouì se conte que approtchàn l'imajinéro a l'istouére é sovèn l'ie defesillo de comprendre ioou l'ie lo confeun euntre la fantazie é lo réel.

Binel Césarine »

Devàn que lo fée eumprimé, Césarine Binel l’a bièn sognà son livro «Poésies patoises», é sembleue que l’ache feunque apreustó le désèn de la couverteua.

Abbé Cerlogne Jean-Baptiste »

Pe la Val d'Ousta l'abbé Cerlogne reprézente la premiéye eumportanta personalitéi de totta eunna jénérachón d'oteur que l'a fa de sa lenva dou queur eun seumbole littéréro é arteusteucco.

Duc Lucio »

Mètre, artizàn , écrivèn, s’è eungadjà totta la viya pe la défanse di patouè.

Ducourtil Bellot Jeanne »

Atò sa poéziya l’a fa revivre la viya d’eun cou: se dzi, se péizadzo, se tradichòn é la réalitó que l’î eun tren de tchandjé.

Ferré André »

Mètre dedeun le-z-écoule italienne di Mouayen-Oriàn, l’a vardó pe totta la viya la nostaljiya de nouhe montagne...

Gal Marco »

Marco Gal icrì poézì dèi dzoueun-o. S'euntéreche étó d'istouére locala, eun particuillì, llizia a son péì natal.

Gerbore Herminie »

Corespondanta de « La Vallée d’Aoste » de l’abì Petigat, Hermine lèi spediô de noalle di-z-émigró valdotèn eungn Amérique é se poéziye…

Gex Corrado »

Ommo poleteucco de groou pèis, l'a su mantchérì bièn ate lo prestije de la Val d'Ousta, grase a se capasitéi naterelle é a son for eungadzemèn.

Gorris Vincent »

Se-z-article de journal l’ayòn la marca d’eun stile orijinel, é se considérachòn étò l’ion todzor bièn personelle.

Abbé Henry Joseph Marie »

Deun l'abbé Henry Joseph Marie se troouaa l'esprì é l'euntélijanse de se pi gran compatriote

Jaccod Louis »

Euntélettuel de valeur, avouì an solida formachòn classeucca, l’è ihó eun di fondateur de « Augusta Praetoria » é l’a collaboró avouì diféente revuye valdotène é fransèze.

Jérusel Armandine »

No-ze léche cattro livro de poéziye eun patouè é eun fransè. De portrè ironeucco de personadzo d’eun tchi no, de tabló de la viya ruralla…

Joly Quirino »

L’a tsantó dedeun se poéziye l’amour pe lo patouè é, eun décrièn le bague le pi seumple, l’a saù no-ze fée aprèsié la viya de nouho devantì

Lucat Désiré »

La produchòn eun patouè de Désiré Lucat l’è po se grousa que halla de Cerlogne mi se compozichòn poéteucque son de gran calitó…

Martin Victor »

Écrijè se poéziye, le soun-ô avouì l’organeun a bré, pourtô dedeun tcheu le veladzo sa boun-a umeur é sa voya d’esprimé le santimàn de son queur.

Martinet Eugénie »

Dza l’an 1953 Montale la considèrre comme an « squisita artista » é defin-ì sa poéziya « casalinga e magica, valligiana e aperta al senso dell'universo ».

Negri Jules Anges »

Considéró a l’épocca eungn écrivèn «d’avant-garde», l’oteur l’a compouzó se traille i cartchì di Pon-de-Pira, cartchì que Negri l’a todzor bièn lamó.

Obert Evalde »

L’è ihó pe bièn de ten l’animateur é lo dirèiteur de la tsantiì de la parotse de Saint-Martin a Ayas é di groupe eun costume di veladzo, le «Tsoque».

Piccone Vincent »

Iscrì a la « Jeune Vallée d’Aoste » fondéye de l’abì Trèves, l’a écrì lo teste de « La clicca dzeusta »…

Ronc Desaymonet Anaïs »

« Tanta Nëisse » l'é itéye metressa, conseillì réjonal é l'a partisipoù a la fondachón di « Comité des Traditions Valdôtaines ».

Thérivel Adolphe »

Boun-a par de se poéziye, eun patouè é eun fransè, son eunspiréye a l’amour di péì, i regrè pe le boun-e tradichòn que se perdon…

Thomasset Marius »

Eunstituteur a l'ecoulla élémantéra de Veullanoua, l'é issà lo gnô euntre lo « gran métre » Cerlogne é la novéya jénérachón de poéte patouazàn.

Vautherin Raymond »

Cofondateur de « Lo Charaban », l'a icriette bièn de pîse de téatro eun patoué.

Viérin Davide Mirko »

Nèissì l'an 1931 eun Veulla, dèi todzor vequèi a Tsaensoù. Sa pachón pe la poézia veun foua dèi la feun di-z-àn seuncanta.

Vietti Pierre »

Vrèi Valdotén deun l'arma é deun l'esprì, l'é eungadja-se to lo lon de sa viya per le tradechón é le lénve, fransé é patoué, de son péì.

Willien René »

Ommo plen de fose é d'idà, l'eut issà bièn actif deun diferèn doméne : lo patoué, la fotografia, lo téatro, lo jornalisme é l'eunségnemèn.