La Messa eun patoué

Eungn occajón de la VIIe Fête valdôtaine et internationale des Patois organizéye lo 4 é 5 sétambre, l'Asséssorà de l'éducachón é de la queulteua l'a désidoù de soutin-ì la sélébrachón, deun la catédrala de Veulla, d'an messa eun patoué. Seutta inisiativa fi parteuya di sélébrachón penséye eungn occajón di commémorachón pe le sent an de la moo de l'abbé Jean-Baptiste Cerlogne (1826-1910), lo félibre de la poézeuye valdoténa.

Bién aprésiatte pe le nombreu partésipàn, la verchón eun patoué de la liturjì é la mezeucca - an compozichón crééye sprése pe l'occajón - l'an baillà a la lénva di queue di Valdotén eun role eumpourtàn que l'euye panco restoù recougneui-lèi devàn.

Veui lo sussé de si évènemàn, l'Asséssorà l'a désidoù de ivrì si projé a difiénte parotse de noutra Réjón pe feuye eun fasón que pouchichan aèi eun suppoo eundispénsablo pe la sélébrachón d'an messa tsantéye eun patoué. So manqueré pa d'euncoadjì la prateucca de seutta lénva pa djeusto ioou manifeste dza an bon-a vitalitoù mi étò ioou sa regréchón l'é pi évidanta.

 

La Messe en Patois, Réjón otonoma Val d'Ousta, Assessorà de l'éducachón é de la queulteua , 2010
Édichón po eun vente

 

Annexe