Gorris Vincent

(patoué de Tsaensoù) 

GORRIS Vincent
Sen-Veunsèn 1895-1955

Peuntre, avouì eunna grousa pachón pe la letteua, pe le-z-oteue fransé é valdotèn eun particuillì, mascrave totta sa valeur euntellettuella dézó eunna naterella fourma de dzi modesta é seumpla.
Bramèn de correspondanse, que l'a publià deun le journal, l'an demoutroù son stile orijinel é sa forta personalitoù que l'a beuttoù deun se-z-eumpréchón é deun se-z-idoù.

Cougnì churtoù avouì le sermegnón Gévé, Bric, Briquet, l'a lèicha-no sa compozichón de poézie « Le notre clliotse » que prèdze de Sen-Veunsèn é de seu veladzo.

Vincent Gorris l'iye eungn ommo de queulteua é tiytì ; l'iye étó eungn ommo seumplo, onéto é avouì bramèn de bon sans. Vioù combattàn deun la Grousa guéra, lamèye sensa lemite sa Grande Patrie é sa Petite Patrie. L'è itoù vise-prézidàn de la Ligue valdôtaine eun di premì fondateue de l'Union valdoténa é eun di premì reprézantàn di Conseill de la Val d'Ousta. L'è itoù assesseue a l'eunstruchón pebleucca dèi l'an 1946 tanque a l'an 1948 é Sénateue de la Répebleucca italienna dèi l'an 1948 tanque a l'an 1952 1.

1prèi de Le Pays d'Aoste, 1955 é di-z-eunfourmachón baillaye pe sa feuille Vincenzina Gorris

Annexe

  • Oratoero - Croui

    Verchón eun patoué, eun fransé é eungn italièn

    Documàn pdf (177 KByte)