Tsertsa

Dichonéo

Contenù di site

Multimédià

Teste eun patoué

Documàn

XLV Congrè Eunternachónal de la Società Linguistica Italiana

26 / 28 septembre 2011  - Aoste, Bard, Torino

Avétsa l'imadze

(patouè de Veullanoua)

 

L'Universitó de la Val d'Ouha, l'Universitó di-z-étude de Tereun, lo Centre d'information sur l'éducation bilingue et plurilingue é l'Assessorà de l'eustruchón é de la queulteua de la Réjón otonomma Val d'Ouha, avouì lo patron-adzo de la Città di Torino é de Esperienza Italia 150°, organizon lo

 XLV Congrè Eunternachónal de la Società Linguistica Italiana

L'an 2011, eungn occajón di 150° de l'Unitó de l'Italiye, la SLI l'a demandó a l'Universitó di-z-étude de Tereun é a l'Universitó de la Val d'Ouha d'organizé son XLV congrè, dédià i tème di plurileunguismo deun l'Italiye de devàn é aprì l'unitó.

Le rélachón di-z-eunvitó é le contribuchón i Congrè l'an lo but de choure tcheu le moumàn que l'an pourtó a l'Unitó leungueusteucca de l'Italiye é s'occupérèn euncò di signifià di multileunguismo é de l'éducachón plurileungueusteucca deun hi moumàn de globalizachón. Se developpérèn donque, deun an situachón d'alternansa que prévèi l'attenchón pe l'unitó é la variétó, deun lo passó é i dzor de vouì, de témateuque spésefeuque su l'istouére leungueusteucca di populachón italienne : la lenva nachonala é se variètó, le dialette, le lenve minoritée tradichonelle, l'emigrachón, l'italièn euntrì le lenve d'Oroppa é di mondo, la réalitó éducachon-ella é sosioleungueusteucca.

Le traille di Congrè comenchon lo mateun di deleun 26 sétambre é fenirèn l'aipró di demicro 28 sétambre 2011.

Deun hisse tri dzor, avouì eun programme stra reutso, que se pou vire su lo site www.sli2011.it, lèi sarè la prézentachón, lo 26 sétambre i siège de l'Universitó de la Val d'Ouha, de l'Atlas des patois Valdôtains.

Pe partésipé i conféranse l'è nésesséo s'eunscrire su lo site de la Società Linguistica Italiana, a hi adresse : http://www.sli2011.it/congresso/index.cfm/iscrizioni-registrazione.html.